Dr. Nezar Kamal - د. نزار كمال
الموقع الرسمي خبير التميز الحكومي العربي

- الإعلانات -

خطوات كتابة مقال متوافق مع محركات البحث الـ SEO!

الـ SEO هو أختصار لـ Search Engine optimization يعني (تحسين محركات البحث)

53

خطوات كتابة مقال متوافق مع محركات البحث الـ SEO!

في الأول لازم نوضح ايه هو السيو الـ SEO والهدف منه؟
الـ SEO هو أختصار لـ Search Engine optimization يعني (تحسين محركات البحث) وهو اللي هـ يخلي المحتوى الخاص بيك بمساعدة الكلمات الرئيسية أو المفتاحية سهل الوصول إليها وفهمها على محركات البحث، يعني تطابق الكلمة الرئيسية مع الموضوع، والهدف الأول والأخير من كل العملية دي وصول خدمات البرند إلى أكبر فئة من العملاء التي تبحث في نفس الموضوع، لان كلنا عارفين “المحتوى هو الملك” وتأثيره بـ يدوم لفترات طويلة مقارنة مع الإعلانات الممولة، علشان كدا بـ تتجة الشركات إنها تستثمر في الـ SEO للمدي البعيد لخدماتها والحصول على نتيجة في أول صفحة لان دا بيزود معدل الزيارات لموقعها وبالتالي تزيد المبيعات.

حلو كدا اتفقنا على، ايه هو الـ SEO، والهدف منه، ندخل بقا علي خطوات كتابة مقال متوافق مع محركات البحث يلا بينا…

1- حدد الغرض من الكتابة:-
يعني لازم تكون بتكتب لشرح منتج معين أو مهمة معينة مكلف بها، هنا تحط نفسك مكان القارئ وتفكر في بعض الأسئلة يا تري ايه هي المعلومات اللي هيكون في المحتوى؟ وهل هـ تساعدني احل المشكله اللي بـ تواجهني؟ كل دي وغير اسئلة لازم تحطها في بالك لما تيجي تكتب مقال أو محتوى.

2- حدد الجمهور المستهدف:-
فكر قبل ما تكتب المقال على الجمهورك الحالي والمستقبلي وخصص المحتوى لهم بالطريقة اللي يـ فهموها سواء كنت هـ تكتب الفصحي او العامية لان مهم جداً تكون المعلومات اللي بتقدمها تثبت في ذهن المستخدم.

3- البحث عن الكلمات الرئيسية أو المفتاحية:-
من هنا بقى هنبدأ الجد والخطوات الأساسية لعملية كتابة محتوى متوافق مع محركات البحث وعلشان تعرف الكلمات اللي بيحصل عليها أكبر عدد من الزيارات فيه بعض الأدوات المجانية اللي هـ تساعد في تحديد دا وأولها:
– أداة مجانية هي Google Trends: واللي من خلالها هتعرف حجم المنافسة على كلمة معينة وتقدر تقارن بين الكلمات أو موضوعات معينة وتشوف معدل بحث الناس عليها.
– أداة google keyword planner:- ودي أداة بتعرفك حجم المنافسة على كلمة معينة بس مهم جداً تكون محدد اللغة والبلد اللي أنت محتاج تعرف قوة المنافسة الكلمة فيها.
– أداة uber suggest ودي أداة أشهر شخص معروف حالياً في مجال الـ SEO وهو (Neil Patel) وبـ تعرفك بردوا الـ volume قد ايه المستوى المنافسة على الكلمة سهلة، أو متوسطة ، أو صعبة وهكذا.

ملحوظة كدا علي جنب : مينفعش تستهدف كلمات المنافسة عليها عالية زي اسم برند أو كلمات مشهورة وأنت لسه موقعك جديد في محركات البحث هتقلل فرص ظهورك يعني لما تيجي تختار كلمة مناسبة حاول تختار كلمات نسب البحث عليها من 100 إلي 10000 وابدا كبر المنافسة لها مع الوقت وكتابة أكثر من مقال بـ يستهدف نفس الكلمات.

  1. اختار عنوان المقال بشكل صح:-
    لما تيجي تختار عنوان المقال لازم يحتوي على الكلمات الرئيسية ويكون طول العنوان مناسب ويفضل ان يكون العنوان من 6 إلى 7 كلمات كحد أقصى وهنا يجي دور:
    – أداة اسمها Portent Title Maker:- هتساعدك في الحصول على عنوان مناسب لمقالك وهـ تقترح عليك عناوين مناسبة تختار المناسب ليك.

5- استخدم الكلمات الرئيسية المستهدفة طوال المقال الخاص بك:-
لازم توزع الكلمات المفتاحية بشكل مناسب داخل المقال ممكن تعمل دا عن طريق النسبة المئوية من إجمالي المقال يعني على حسب عدد كلمات المقال خلي الكلمات المفتاحية تاخد من 1 إلى 3% من حجم المقال الكامل حتى من العناوين الرئيسية والفرعية والوصف، لان الناس عايزة محتوى يحل مشكلة وتستفيد منه.

- الإعلانات -

6- حدد نظام العناوين والفقرات:-
بـ معنى كل عنوان رئيسي بيحكي عن فكرة معينة يكون وصف الفقرة من صلب الفكرة، وعلشان كدا تم إنشاء نظام الكتابة على الإنترنت لانك لازم تراعي استخدام:
– العنوان الرئيسي ب H2 أو بالعربي ترويسة 2.
– والعناوين الفرعية استخدم H3 يعني ترويسة 3.
– والعناوين الفرعية استخدم H4 للوصف ترويسة 4، وهكذا لحد ما توصل ل H6.
الطريقة دي ابتكرت علشان تحدد النص وتفرق بين عنوان المقال والعناوين الفرعية وعناوين الفرعية الفرعية والوصف.

7- إضافة روابط داخلية وخارجية:-
– الروابط الداخلية (Internal link):- دي مهمة كاتب المحتوى الأساسية أنه يحسن تجربة المستخدم ولو معملتش كدا هـ تفقد فرصة تحسين المقاييس اللي بتجي من سلوك المستخدم زي معدل الوقت اللي بـ يقضيه علي الموقع، ومهمة (Internal link) هو انك تجيب رابط من مقال أو صفحة داخل الموقع وتحطها في مقالك، وكمان بـ يساعد برنامج الزحف جوجل إنه يـ أرشيف المقالات بشكل أسرع.
– الروابط الخارجية (External link):- مهمته لما بـ تحط لينك لمصدر خارجي داخل المقال بتاعك وبيكون دليل على انك بتقدم (External link) مرجع للقارئ لو حابب يتأكد من المصادر اللي بـ تستعين بها للمقال.

8- تحسين عنوان المقال والوصف (meta description):-
أول انطباع بيشوفه المستخدم في محركات البحث قبل ما يفتح المقال هو دا الـ meta description مهم جدا الالتزام بعدد الكلمات المسموح بيها وتضم الكلمة المفتاحية طيب إحنا إزاي نعرف عدد الكلمات المسموح بها!.. هنا دور
– أداة https://www.serpsimulator.com/ مجانية بـ يخليك تشوف شكل تخيلي لنتيجة البحث برة الموقع بتاعك، بس خلينا إننا نحاول نخلي عدد كلمات العنوان الوصفي ما بين 60-70 حرف، وحاول تخلي الوصف التعريفي اللي تحت العنوان ما بين 150-160 حرف عشان يدي أفضل نتائج لان دا هيأثر على نسب النقر مقابل نسب الظهور (CTR).

9- إضافة نص بديل للصورة:-
ولازم تعيد تسمية الصورة بـ محتوي من داخل المقال ويكون فيها كلمات رئيسية من المقال نفسه ويفضل ألا تزيد عن 120 حرف في وصف الصورة.

10- تحسين صور المقال:-
في عندكم Stock Photos Websites زي Pixabay – pixels – freepik دي مواقع تقدر تنزل منها الصور اللي انت محتاجها وبـ تكون مجانية، وفي تقرير لـ Skyword بـ يوضح أن المقالات اللي بـ تحتوي على صور لها علاقة مباشرة بموضوع المقال بـ تزيد نسب القراءة 94 % وكمان العملاء بتشتري من المواقع اللي بتقدم صور بـ جودة عالية وتكون جاذبة للاهتمام، وهنا هـ يجي دور:
– أداة اسمها https://imagekit.io/ مهمتها ضغط الصور دون المساس بالجودة الصورة بنسبة تصل لـ 60% من الحجم الأصلي للصور ودا هـ يحسن من سرعة فتح المقال والموقع.

11- تحسين عنوان (URL):-
لازم يكون عنوان Url مناسب وسهل الإستخدام وملائم مع عنوان المقال وغالبا بـ يتم إنشاءه تلقائي من عنوان الموقع، بس لازم تاخد بالك منه علشان توفر تجربة مستخدم أفضل وخذ مثال على كده: استخدم (/) بدل من (-) ولازم يكون العنوان بـ يبدأ (http) ثم بعدها (:) ثم (//) ثم (www) وبعدها ( هتكتب اسم الموقع) وبعدها (.com) وبعده علامة (/) لو هتكتب اسم القسم أو المقال .

12- مشاركة المحتوي على السوشال ميديا:-
لو نجحت في كتابة محتوى ملهم، وتفاعل علية المستخدمين هنا لازم تخلي المحتوى قابل للمشاركة، ومن السهل إضافة أزرار السوشيال ميديا إلى موقع الويب الخاص بك، ولو معرفتش اطلب من المبرمج أنه يضفها للموقع.

13- كتابة محتوى بـ جودة عالية:-
محركات البحث بـ تكافئ المواقع اللي بتقدم المحتوى بـ جودة عالية والملائم للعملية البحث، لأن المقال بجودة المعلومات المتوفرة فيه وليس بـ كثرته، وحاول أن يكون الحد الأدني من الكلمات المقال 600 كلمة وتكون مقسمة إلى فقرات لكن متكنش طويلة ومملة للقارئ.

وأخيراً لك أن تتخيل يا عزيزي بعد كل المجهود دا المقال بـ 30 جنيه وممكن يكون في أوقات بـ 15 جنيه، قمة العار على اللي بيقبل ويضيع مجهود غيره لمجرد هو واخدها سبوبة.

 

 



- الإعلانات -