- الإعلانات -

كتابة المحتوي واهميتها في المواقع الالكترونية

تهيئة الموقع الإلكتروني للسيو ببناء التكنيكال سيو Technical Seo Factors

18

أمثلة على كتابة المحتوى | تهيئة الموقع الإلكتروني للسيو ببناء التكنيكال سيو Technical Seo Factors

 

تحدثنا في مقالة سابقة عن امثلة على كتابة المحتوى وذكرنا فيها خطوات عملية على كتابة محتوى ابداعي ولأننا هنا نهتم فقط بالمحتوى الرقمي والذي يختلف تماماً عن كتابة الروايات والقصص والسيناريوهات الخاصة بالأفلام وغيرها.
فإننا هنا نتحدث عن وسيلة عملية للعمل والربح عبر الإنترنت، فكلنا نعلم أن السيو الأن هو الوسيلة الرئيسية للربح عبر الإنترنت حتى ولو كان عملك من خلال الأفلييت أو حتى كان عملك خاص بقناة اليوتيوب التي تمتلكها فإن السيو هو الأساس وهو الذي يعتمد على مقولة مشهورة وهي أن المحتوى هو الملك، 

يبدو أن هذه الكلمة هي أكثر اصلاح ستتعرف عليه خلال عملك في مجال كتابة المحتوى لأنك ببساطة تتعرض لمنافسة شديدة تُسمى “تهيئة محركات البحث” السيو، 

وهذا بالطبع لأن المحتوى فعلًا مهم لأنه يتعلق بأهم عامل من عوامل خوازميات جوجل وهو “تجربة العميل” الذي هو القارئ، فقاعدة جوجل هي أنه كلما بذل القارئ وقتاً أطول في موقعك فإن هذا يعني أن تجرتبه أفضل ولهذا فإن موقعك سيكون أحسن من غيره وهنا تهتم محركات البحث على جوجل بدعم ظهور موقعك في الترتيب الأعلى.

ولهذا فإن عنصر المحتوى يعتبر من أهم العوامل التي يجب الإهتمام بها ومراعتها أثناء تنظيم وترتيب عملك في الـ SEO لكن مع مرور الوقت وتطوير خوارزميات جوجل Google Al بدأ يكون فيه دور أكبر لعوامل تانيه نقدر نقول عليها Technical Factors وهو ما تحدثنا عنه سابقاً في مقالنا عن التكنيكال سيو وذلك لأنها مرتبطة أكتر بالأكواد أو بالبرمجة أو بشكل وطبيعة الموقع نفسه بغض النظر عن المحتوى.

 

أهم 7 وصايا أو عوامل للعمل على التكنيكال سيو 

للنجاح في مجال السيو يجب أن تهتم بعناصر كودية وبرمجية معينه وإنت بتشتغل في الـ SEO جنبًا إلى جنب مع اهتمامك بالمحتوى هي كالأتي:

1- التحدي الأول: HTTPS ( شهادة الـ SSL )

لأن اهتمام شركة جوجل يزيد برفع معدلات الامان لدى العملاء ولهذا فإنها عادة ما تسعى بشكل كبير لإن تطمن المُستخدمين بإنها هتحافظ على بياناتهم ومعلوماتهم وبأن هناك أمان تام واستحالة حدوث أي تسريب أو ضرر ليهم في أي يوم من الأيام خصوصًا إن الكُل أصبح بيعتمد على جوجل في تخزين بياناته ومعلوماته، طبعا كلنا عارفين الهوجة الأخيرة ضد الشركات العملاقة زي فيسبوك وجوجل ومشاكل التسريبات وبيانات المستخدمين الخ، كُل هذه تحديات تجعل Google يهتم أكتر بموضوع “الأمان” ولهذا يظهر دور شهادة الـ SSL ودي بتقدر تشتريها لموقعك واللي بتحول بروتوكول موقعك من HTTP إلى HTTPS ودي الحاجه اللي من خلالها تقدر تعرف كُمستخدم إن الموقع ده آمن ولا لأ، الموضوع بسيط ومش هياخد منك أي وقت في تحويل موقعك من HTTP إلى HTTPS وأعتقد في المُستقبل القريب الدومينات تلقائيًا هتكون بالبروتوكل الآمن ( بمعنى إن الموضوع مش هيكون بالاختيار ).

2- الوصية الثانية: Robot.txt

ملفات Robot.txt ودي المسؤولة عن الأرشفة وهيا أول شيء بتدور عليه خوارزميات Google لما بتبدأ عملية الـ Crawling على موقعك، هنا Google Bot ( وهوا المسؤول عن عملية الزحف والأرشفة ) بيشوف الملف ده ويتبع التعليمات اللي فيه سواء بأرشفة جميع الصفحات أو استبعاد بعض الصفحات من الأرشفة No Indexing، طيب وهوا أنا ممكن أحتاج إني مارشفش صفحات؟ طبعًا مش لازم كُل الصفحات تتأرشف، ممكن صفحات خاصة بالـ Pricing أو Data تخص عملاء وإنت مش عايز تأرشفها، إنت هتحتاج الملف ده جدًا خصوصًا لو موقعك “برمجة خاصة” لأن WordPress مثلا بيحط الموضوع ده في اعتباره وفيه Tools كتيرة ممكن تساعدك لكن وإنت بتشتغل على موقعك برمجة خاصة فلازم تنبه الـ Developer لموضوع زي ده.

3- الوصية الثالثة: ملفات الـ Sitemap

تاني حاجه بتروح ليها GoogleBot أثناء عملية الزحف لموقعك عشان تأرشفه هيا ملفات الـ Sitemap خريطة الموقع، ودي تعتبر زي تفنيد لكل صفحات موقعك ويُفضل يتوفر بالسايت الصفحات الأساسية زي ( من نحن، سياسة الخصوصية، الأسئلة الشائعة، شروط الاستخدام ) الخ، إنت في المرحلة دي بتكون حددت عدد الصفحات الموجود بالموقع وعدد الصور الموجودة وبتسلمها يدًا بيد لخوارزميات جوجل عشان يأرشفهم، ودا بيتم من خلال ملفات خريطة الموقع زي م قولتلك، فيه مواقع كتيرة بتقدر تعملك ملف الـ Sitemap ده ويجهزهولك وما عليك إلا إنك ترفعه مع ملفات موقعك في الهوست، من المواقع اللي بتوفرلك السايت ماب هوا موقع xml-sitemaps وده مجانًا تمامًا وأنصح الكُل إنهم يستخدموه، بالنسبة للوردبريس فيه Blugins كتيرة ممكن تقوم بالدور ده برضو.

https://www.xml-sitemaps.com

4- الوصية الرابعة: Website Speed

- الإعلانات -

سُرعة الموقع أصبحت م الأمور اللي فعليًا لا خلاف عليها، كُلنا عارفين إن الموضوع ده مهم وإن العميل ممكن يقفل م الشركة والموقع والكل كليله بمجرد م يضغط على رابط السايت ويستنى كتير عشان يفتح أو لما ييجي يتنقل من صفحات الموقع الداخلية، هنا إنت بتسابق العصر والزمن، لازم تواكب التطور وزي م احنا في عصر السرعة، السرعة دي لازم تكون في السايت كمان، أعتقد النقطة دي بديهية والكلام في أهميتها أصبح شيء مُسلم بيه، تقدر تعمل Test لسرعة موقعك من خلال PageSpeed Insights، لو لقيت موقعك بطيء أنصحك تتواصل مع مبرمج يساعدك في الموضوع ده وفي الغاب هتلاقي بُطء الموقع بسبب السيرفر أو الصور أو بعض الأكواد بموقعك الخ، والموضوع مهما كان فهوا سهل يتحل لكن أنصحك للمرة المليون إوعا تسيب موقعك بطيء.

https://developers.google.com/speed/pagespeed/insights/

5- الوصية الخامسة: Mobile Friendly

كُلنا فاكرين زمان لما كُنا بنعاني مع موبايلاتنا الصغيرة لما نيجي نقرا مقال ع ويبسايت، مكانش فيه اهتمام لتوافق المواقع مع الموبايل لأن عدد مُستخدمي الانترنت م الموبايل كان قليل جدًا، لكن مع الازدياد الرهيب لمستخدمي الإنترنت من الموبايل أصبح لزاما على جوجل إنها تهتم بحاجه زي دي كنوع من مراعاة الـ UX تجربة المستخدم، وفعليًا نسبة مستخدمي الانترنت م الموبايل بتزداد بشكل غير طبيعي واللي أعتقد إن هييجي يوم يبقى الانترنت = الموبايل وإن عدد مستخدمي الانترنت من أجهزة الحاسوب هيكون محدود جدًا، طيب أنا كـ SEO Specialist إيه اللي مفروض أعمله؟ أول شيء لازم تهتم بيه هوا شكل الويبسايت اللي شغال عليه إزاي من الموبايل، لازم يكون Mobile Friendly ، هنا إنت بتطلب م المبرمج اللي شغال على موقعك إن يهتم بالجانب ده، شوف لو موقعك متوافق مع الموبايل ولا لأ من خلال Mobile Friendly Test.

https://search.google.com/test/mobile-friendly

6- الوصية السادسة: Meta Tags

زي م قولنا إن Google Bot بتشوف ملفات الـ Robot.txt و الـ Sitemap فهيا كمان بتقدر تقرا أكواد الميتا تاج Meta tags وهنا إنت بتتكلم عن 4 حجات أساسية لازم تحطها في اعتبارك فيما يخص الأكواد دي:

– الميتا Title ودا عبارة عن كود HTML بيوضح لـ Google إيه هوا عنوان صفحتك، ويفضل العنوان يكون في حدود من 50: 60 حرف.

– الميتا Description وهوا كود HTML فيه وصف صفحتك بشكل مختصر في حدود 155 حرف، يُستحسن تُذكر في الوصف الكلمات المفتاحية الأساسية اللي بتستهدفها بس ميكنش بشكل سبام.

– الميتا Keywords وهنا هتكتب الكلمات المفتاحية اللي إنت بتستهدفها بشكل احترافي وواضح عشان تساعد جوجل على فهم موقعك.

– الـ Header Tags ودا متعلق ببناء وشكل المقال أو محتوى موقعك بشكل عام، واللي بتوضح مدى قابلية المحتوى ده للقراءة، وفيه 6 أشكال يُفضل استخدامهم من وقت للتاني وهما H1,H2,H3,H4,H5,H6، العنوان دايمًا بيكون H1 بينما العناوين الثانوية H2 وهكذا كل م تفرعت، يُفضل استخدام الكلمات المفتاحية في الأكواد أو العناوين دي، لكن طبعاً بدون حشو وتجب الاسبام.

7- الوصية السابعة: Structured Data

هنا جوجل بتحاول إنها تطور من شكل الـ Results بتاعتها باستخدام “البيانات المنظمة” وتقدر كـ “متخصص SEO” إنك تستعين بـ schema.org عشان تظبط نتايج موقعك، والحقيقة إن فيه طريقتين عشان تقدر تحدد بيانات موقعك, الأولى عن طريق ترميز “سكيما” واللي ممكن من خلالها إن تحط تفاصيل أكتر باحترافية أكبر أما الطريقة التانيه فعن طريق استخدام أدوات مُشرفي المواقع ودي طريقة سهلة ومش محتاجه منك تعرف برمجة.

ممكن تعرف أكتر عن السكيما والبيانات المنظمة من خلال https://schema.org

ودا رابط لاختبار البيانات المنظمة لموقعك: https://search.google.com/structured-data/testing-tool?hl=ar

الخلاصة:

كُل نقطة من السبع حجات دي محتاجه تفاصيل كتيرة ومقالات أكتر وأكتر هحاول من وقت للتاني إني أوفرها، لكن في الأول والآخر العوامل كتيرة بتتطور وبتتغير وفيه جملة مهمة لازم تحطها في اعتبارك وإنت بتشتغل في مجال الـ SEO إن All Factors Work Together يعني كُل العوامل دي بتشتغل مع بعضها مينفعش أقول إني هشتغل على حاجه وهسيب التانيه، إنت اشتغل على كُل نقطة وحاول تطور موقعك بالشكل اللي يخلي نتايجه أفضل النتايج، لو فيه أي تعليق او أسئلة ياريت عشان أقدر أوفرها في المقالات الجايه ^^

 

- الإعلانات -